नेपाल पत्रकार महासंघ कास्की शाखाले जिल्लामा कार्यरत सञ्चारकर्मीहरुलाई कोरोना विरुद्धको खोप उपलव्ध गराउन माग गरेको छ ।

शाखाका अध्यक्ष विमला भण्डारीले विज्ञप्ति जारी गरी फ्रन्टलाइनमा रहेर नागरिकलाई सुसूचित, जागरुक बनाउने कार्यमा खटिने पत्रकारको पेशागत बाध्यतालाई ध्यानमा राखेर आम नागरिकसहित कास्कीका पत्रकारहरुलाई पहिलो प्राथमिकतामा राखेर तत्काल कोरोना विरुद्धको खोप उपलब्ध गराउन संघीय सरकार, गण्डकी प्रदेश सरकार र स्थानीय सरकारसमक्ष माग गरेकी हुन् ।

जिल्लामा क्रियाशील रहेका पत्रकारहरु कोरोना विरु’द्धको खोपको पर्खाइमा रहेको महासंघले जनाएको छ । स्वास्थ्य तथा जनसंख्या मन्त्रालयले नेपालमा कोरोनाको तेस्रो तथा चौथो लहर आउन सक्नेतर्फ सचेत गराइसकेको र उच्च जोखिममा रहेको सञ्चार जगत र आम नागरिकलाई कोरोना विरु’द्ध खोपको आवश्यकता टड्कारो बनेको महासंघको ठ’हर छ ।

कोरोना संक्रमणका कारण पत्रकार कास्कीका क्रियाशील र जुझारु एक पत्रकारलाई गु’माउन बा’ध्य भएको, संक्रमण सुरु भए यता ४७ जना पत्रकारहरु संक्रमित भएको र कतिपय संचारकर्मीहरु अहिले पनि विभिन्न अस्पतालमा उपचाररत रहेको महासंघले जनाइएको छ ।

नयाँ भेरियन्टको रुपमा कोभिड १९ को दोस्रो लहर सुरु भएलगत्तै स्वास्थ्य तथा जनसंख्या मन्त्रालयले कास्कीलाई उच्च जो’खिम जिल्लाको सूचीमा सुचिकृत गरेको र सो अवस्था अहिले पनि यथावत रहे पनि राज्यको चौथो अंग सञ्चारकर्मीहरु जनताको सुसूचित हुने अधिकार प्रत्याभूत गर्न महामारीबीचमा पनि निरन्तर आफ्नोे कार्य क्षेत्रमा खटिएको अध्यक्ष भण्डारीले विज्ञप्तिमा उल्लेख गरेकी छन् ।

कोरोना संक्रमणका कारण अहिलेसम्म देशभर २० जना पत्रकारले ज्या’न गु’माईसकेका छन् । अहिले पनि झण्डै दुईहजार पत्रकार कोरोना संक्रमित भई विभिन्न अस्पताल र होमआईसोलेसनमा रहेका छन् ।

अन्तिम पटक अध्यावधिक गरिएको 96 Viewed

प्रतिक्रिया दिनुहोस्